Moin alltohoop!

Un velen Dank för all Joon Geschichten, de Ji uns op ünnerscheedlich Weeg tostüert hebbt för uns Plattdüütschen Geschichtenwettstriet "Vertell doch mal 2026". De Jury hett den Sack nu tomaakt un sett sik nu hen un kickt sik allens nipp un nau wat an - allens dat, wat Jo infullen is to dat Thema "Kuddelmuddel". An'n Sünndag, 14. Juni is dat denn sowiet, dor warrt Ji denn wies, wokeen allens wunnen hett. Denn kloor, ok düt Johr warrt dat wedder en grote Gala geven in't Ohnsorg-Theater. De Korten kann een dor nu al för köpen. 

Een Saak hebbt wi noch för Jo: Wokeen de verleden Utgaav vun "De Noorden op Platt" in't Fernsehen verpasst hebben schull, de kann dat geern nochmal nahalen. Denn all de Sennens sünd achteran ümmer ok in de ARD Mediathek to finnen. Dat hier to't Bispeel sünd de Themen in'n Februar ween, kiekt man geern mal rin:

- Umweltwache mit Thomas Ehrig
- Mobile Bühne in Flensburg
- Gastbesuch: plattdeutsche Wochen LünePlatt
- Momsen ünnerwegens: Vampir-Dreh
- Oostfreesland "in echt" - Gröönkohl
- Der Cowboy vom Bürgerradio
- Seniorengemeinde Vrees

So, leve Lüüd, hoolt Jo fuchtig un blievt gesund!
Joon Plattsnackers vun'n NDR

5. März 2026