Moin leve Lüüd,

de Ferien sünd noch nich ganz vörbi un dor hett unse Kollegin Lina Martschin en helen Barg an Aktivitäten tosamenstellt, de een tosätzlich ok op un mit Plattdüütsch beleven kann. En Duurbrenner is de "Snitzeljagd" dörch den helen Noorden, wo een ook noch dorbi hölpen deit, unse plattdüütsche Kultur för de tokamen Generatschonen to bewohren.

Bet bavenhin voll mit interessante Bidrääg is ok wedder de neeste Utgaav vun "De Noorden op Platt". Vun Schwerin bet in't Emsland wiest sik: Dor is düchtig wat los! Un mit Recht sünd de Wullswien vun Dörpen (mien persönlichen Favorit) ok endlich mal in't Fernsehen.

- Fleischerei in Hamburg-Hummelsbüttel: Tipps für die Grillparty
- Nordfriesen sind die Schnellsten: Race across America
- Oostfreesland "in echt": Sömmerferien
- Gastbesuch Juli: Kunsthalle Hamburg
- Ünnerwegens mit Lewitz-Kieker
- Momsen ünnerwegens: Scheunenflohmarkt in Dornum
- Dörpener Wollschweine

Man kiekt ju dat Wark bidde direktemang sülven an, wat en Gemeenschappsproduktschoon vun de helen NDR-Regionalprogramme is. Wokeen sunst bringt Platt in Farv un lebennige Biller so to’n Blenkern?
 
Vun wegen aktiv: All wedder is dor en Plattschnacker ut'n Noorden op dat "Rode Sofa" bi DAS! lannt. De Inspeler över Fabian Neumann, de vör söven Johrn bi de NDB Kiel anfungen hett - dormals kunn he keen Woort Plattdüütsch - is allerbest.

Ob uns Sieden vun ndr.de/platt givt dat noch veel mehr Perlen finnen.

Laat jo dat goot gahn!
Hartlich Gröten ut de Plattdüütsch Redakschoon in Kiel (Lornz Lorenzen) un all Plattsnackerinnen un Plattsnackers vun'n NDR.

4. August 2026